Пујол со порака до Пике: Да ги оставиме судиите да си ја работат својата работа

Жерард Пике предизвика голем скандал во Шпанија со пораката која му ја испрати на претседателот Хавиер Тебас по крајот на натпреварот меѓу Вилјареал и Барселона, замерка која секако се однесуваше на новата лоша вечер која ја имаа судиите, или во случајот Вилануева.

Пике беше доста отворен и во микс-зоната каде по натпреварот потенцираше дека судиите се почесто почнуваат да му докажуваат дека се фаворизира еден клуб оваа сезона (мислејќи на Реал), а ваквите обвинувања секако не се воопшто наивни и предизвикаа бура од реакции во Шпанија.

Before Pique entered the player's tunnel he said to the president of La Liga: "Did you see that? Did you see that?" pic.twitter.com/vWvxvPeWQX

— Barcelona Worldwide (@BarcaWorldwide) January 8, 2017

Стоперот на Барса доби поддршка од каталонската јавност за своите забелешки, но сега со интересна изјава излезе легендарниот капитен на каталонците, Карлес Пујол. Пензионираниот дефанзивец кој беше голем борец на теренот одлучи да застане во одбрана на судиите, потенцирајќи дека треба да им се даде поддршка со цел да можат мирно да си ја вршат тешката и одговорна работа.

– Имав лет во тој момент и не го гледав натпреварот. Од тоа што го слушнав, можам да претпоставам што се случило, но за мене само едно е јасно. Треба да ги оставиме судиите да си ја работат работата. Навистина е многу тешко да донесувате одлуки во дел од секундата. Кога бев спортски директор сфатив колку е тешка работата на судиите. Мора да ги оставиме да работат – порачува Пујол кој со својата изјава испрати јасна порака и до својот поранешен соиграч Пике.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.