Поларен студ ја зафати Европа, температурите се пониски (Видео)

Снежните врнежи и ниските температури го погодија европскиот континент – во Полска, Белгија и Италија има и жртви, а одредни грчки острови се прекриени со снег, а во Турција се откажани стотина летови, додека граѓаните на Москва го дочекаа најстудениот Божиќ во последните 120 години.

Во последните 2 дена во Полска 10 лица загинаа во ледениот бран кој ќе потрае и преку викендот, а во Истанбул е запрен воздушниот и водениот сообраќај.

Вкупниот број на жртви во Полска кои починале од хипотермија од 1 ноември се искачи на 53.

Во одредени делови на земјата температурите паднаа на – 20 степни Целзиусови.

Живата во термометарот во текот на ноќта во Москва се спушти на -32, па граѓаните го дочекаа Божиќ во студ, каков што не е забележана во последните 120 години.

Во Санкт Петербург каде се забележани -24 степни, полицијата пронајде тело на маж кое замрзнало во текот на ноќта.

Најмалку седум луѓе починаа во Италија од студот во последните два дена, со што бројот на жртвите од поларниот бран во Европа се искачи на 20.

Шест бездомници починаа од замрзнување во Италија, каде поради снежните врнежи сите летови се пренасочени, а возовите се откажани.

Температурата падна на -10 степени во подрачјето што го погоди три земјотреси во август и октомври.

На Аматриче и Акумоли, двете места посебно погодени од потресите, обилно напаѓа снег, еднакво како и во Апулија и на Сицилија.

Метеролошките служби предвидуваат нови снежни врнежи во текот на викендот.

Одредени училишта на југот од Италија, каде висината на снегот е околу метар, нема да работат во понеделник, наведува Анса. Во Бугарија во близина на турската граница, се пронајдени телата на двајца илегални ирачки мигранти.

И Швајцарија, ноќта во саботата беше погодена од поларен студ, па така во Давос беа измерени -19, а во Берн -15,5 степени.

АП наведува дека во Белгија настрадал маж кога камионот кој го управувал излетал од патот.

Во Солун се измерени 7 степени под нулата, а денеска според прогнозите треба да биде најстудено, -10. Неколку грчки острови, на кои главно е топло, се покриени со снег и температурите се ниски.

Во Турција снежните врнежи го блокираа Истанбул, повеќе од 650 летови се откажани поради лошите временски услови.

Анадолија известува дека и траектите застанале. Снегот синоќа што паѓал формирал снежна покривка од 40 сантиметри во Истанбул и направил хаос на патиштата.

И во Германија ноќеска беше најстудно оваа зима, па так во две баварски села се измерни -26, а во Берлин -15.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.