Македонскиот град Куманово е најзагадениот град во државата ова утро. Нерасчистениот снег во градот и селата во општината создава дополнителни проблеми.
Загадувањето утрово изнесува 81 мг/м3, што е повеќе од максимално дозволената граница од 50 мг/м3. На тој начин, Куманово повторно е убедливо најзагадениот град во Македонија.
Исто така, има големи проблеми со движењето по улиците и патиштата, особено во неколку населби во градот и селата во општината.
Улиците не се исчистени од снегот во населбите Перо Чичо, Карпош, Доброшане, Зелен Рид, Ајдучка Чешма и други населби.
Големи проблеми со снегот има во населените места Клечовце, Пчиња, Романовце, Умин Дол, Горно Коњаре, Орашац, Табановце, Сопот и Агино Село.
Секојдневното загадување и колапсот во општината поради снегот ја откриваат неспособноста на локалната власт предводена од СДСМ, каде што оваа партија диктаторски владее веќе 26 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
