Почина новинарот и уредник Владимир Антонов

По долго и тешко боледување, утринава во Скопје, на шеесет и две годишна возраст почина Владимир Антонов.

Антонов, правник по образование, своите најплодни години ги мина како новинар и уредник на деск во Македонската телевизија, во Сител и во Канал 5, а кариерата ја заврши како уредник на вестите на англиски јазик на скопски Промовенс.

Ерудитот и мајстор на пишаниот збор, Владе Антонов, беше учител и ментор на многу денес познати новинари и уредници во многу медиуми во Македонија.

Последна почит ќе му биде оддадена в сабота, на 7 јануари во 10 часот во капелата на гробиштата Бутел, а погребот ќе биде извршен во 11 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.