Светот го бара за нападот во Истанбул, а тој без страв говори пред камерите во Киргистан (Видео)

Порталот turmush.kg сензационално објави неколку минутно интервју со Јахие Машрапов, за кого турските медиуми пишуваа дека е напаѓачот од ноќниот клуб “Реина” во Истанбул. Во разговор со новинарите на овој портал, тој тврди дека е невин и дека нема никаква врска со крвавиот атентат.

-Денес светските медиуми објавија слика од пасошот на државјанинот од Киргистан Јахие Машрапов кој е осомничен за терористичкиот акт во Истанбул. Но во овој момент тој се наоѓа во Киргистан, пишува turmush.kg.

Според изданието “граѓанинот Машрапов слетал денес, 3 јануари од Турција на аеродромот ”Манас“. Околу 9 часот тој бил на аеродромот во Оша.” Поради информацијате во медиумите соработници од менаџментот на ГКНБ трагале по Јахие Машрапов и биле во неговиот дом во Кара Суу. Тој бил повикан и на распит.

“Посочениот државјанин на Киргистан нема врска со терористичкиот акт во Турција”, пишува turmush.kg.

Машрапов се согласил да раскаже некои детали од престојот во Турција.

“На 1 јануари отпатував од Бишкек во Истанбул. Таму имав работа поврзана со трговија. Откако ја завршив работата пристигнав на аеродромот во Истанбул и седнав во авионот. Полицајци ме симнаа и одведоа на распит. Објаснија дека ме распрашуваат во врска со терористичкиот акт во Истанбул. Ми кажаа дека надворешно личам на мажот од распространетата слика “, раскажува Машрапов.

Тој тврди дека не го познава човекото по кого се трага. Не знае и зошто и како сликата од пасошот му е распространета во медиумите.

“Јас сум роден во Кара-Суу. Од 2011 година тргувам и патувам во Истанбул по работа “, раскажува Машрапов.

Според него на 28 декември тој патувал во Истанбул, на 30 декември се вратил назад во Киргистан, а на 1 јануари заминал пак во Истанбул.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.