Стапи на сила повластенатa даночна стапка за печки на пелети, како и за пелетите, што значи дека данокот на додадена вредност за за нив д 18% се намали на 5%, објавено е во Службен весник. Тоа треба да се одрази и на крајната цена и да ги направи подостапни за потрошувачите.
Пелетите се промовираа како една солуција за намалување на загадувањето, како и за поекономично загревање на домовите.
Во нивното производство и продажба се вклучува и јавното претпријатие Македонски Шуми од каде пресметката е дека ако едно домаќинство троши три тона пелети во сезоната, тогаш со намалениот ДДВ ќе направи заштеда од најмалку 5 илјади денари.
Пелетите имаат убедливо најмала емисиона вредност во однос на јагленот, нафтата и огревното дрво. Печките, шпоретите и камините на дрва имаат фактор на загадување 9 пати поголем поголем отколку тие на пелеети, а старите печки на дрва загадуваат и до 20 пати повеќе.
Субвенции за покрива на 70 проценти од трошокот или најмногу до 30 илјади денари за набавка на печки и котели на пелети најави и државата, а град Скопје веќе додели субвенции на 196 домаќинства од општинскиот буџет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
