Си ја продал малолетната ќерка за 3.000 евра на рати и половен автомобил (Видео)

Србија оваа недела е потресена од веста дека татко ја продал малолетната ќерка (16) во Крушевац за 3.000 евра на рати и половен автомобил.

Сето ова се случило во ромската населба Читлук, а вака изгледа свадбата на која невестата има само 16 години.

– Вообичаено е девојките да се омажат млади, но поради љубов. Некои се мажат на 15, 18, 20 години, зависно која како ќе се заљуби. Ние пристапуваме и се договараме како пријатели, не ги даваме со сила и не ги продаваме, вели соговорникот пред камерата.

Според податоците во Србија, 85 проценти од ромските девојчиња се мажат пред 18 години, а дури 70 проценти своето прво дете го раѓаат пред полнолетството.

– Се омажив на 14 години и го добив првото дете на 15. Сега не би се омажила на тие години, но тоа е што е, вели една од соговорничките која има 23 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.