Џабе му е што е претседател, кога сопругата е попопуларна од него

Изборот на Барак Обама за претседател ја зголеми надежта дека тој со помош на своето семејство, ќе успее да ги разбие стереотипите за Афроамериканците во Соединетите Американски Држави.

Иако сега се поставува прашањето дали тој воопшто успеал во тоа, сепак истражувањата покажуваат дека семејството Обама било исклучително ценето во првата година од мандатот на Барак, а првата дама на САД, Мишел Обама ја задржала својата популарност и во најтешките времиња во текот на двата мандати.

Есента 2009-та година, дури 66 проценти од Американците изјавиле дека одобруваат семејството Обама да ја води државата, а само 12 проценти од нив имале негативно мислење. Истовремено, позитивно мислење за Мишел Обама имале 65 проценти од Американците, а негативно 27%. Откако Барак го доби и вториот мандат, дури 75% од Американците ја поддржувале Мишел Обама.

Додека граѓаните на САД беа се покритични кон претседателот на државата Барак и тој кон почетокот на 2014-та година забележа најнизок рејтинг од 40 проценти, Мишел Обама и натаму беше поддржувана од мнозинството Американци и нејзиниот рејтинг изнесуваше 66%. Таа за кратко време падна на 58% кон средината на оваа година, но веднаш се врати на 60%.

Иако е интересно тоа што во еден момент, може да се каже дека Американците повеќе ѝ верувале на Мишел, отколку на Барак Обама, сепак вреди да се истакне дека во принцип првите дами бележат солидни рејтинзи во САД.
Само за споредба, Барбара Буш ја поддржувале 81% од Американците, Лаура Буш 72%, Хилари Клинтон 56%, Ненси Реган 55%, а Мишел Обама во просек ја поддржувале 65% од Американците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.