Во пресрет на православниот Бадник, денеска во месноста Говрлевска Краста, на јужните падини на Водно, ќе биде организирана традиционалната средба на скопјани со кумот и здравичарот на Бадник 2017. Организатор 25-ти пат е Граѓанското здружение Одбор за традиционална прослава на Бадник во Скопје.
Средбата е точно напладне, кога ќе почне симболичното сечење на бадниковото гранче, најпрво од страна на кумот и здравичарот – Радко Манов и Љубиша Николиќ, минатогодишните кум и здравичар – Илија Малинковски и Драган Мијалковски, градоначалниците на Скопје, Центар и Сопиште, поранешни кумови и здравичари, поканети гости и претставници од естрадата.
Централното одбележување на Бадник е на 6 јануари на платото пред Соборниот храм „Свети Климент Охридски“ во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
