Спектакл: Балетското ремек-дело на мраз „Лебедово езеро“ во Скопје

Ма­ке­дон­ска­та опе­ра и ба­лет ја за­о­кру­жи оваа се­зо­на со уште еден спе­ктакл. Нај­поз­на­то­то ба­лет­ско ре­мек-де­ло од Пе­тар И. Чај­ков­ски бе­ше из­ве­де­но на сце­на­та на МОБ. Ба­ле­тот бе­ше из­ве­ден во два чи­на, а ба­лет­ски­от ан­самбл со иск­лу­чи­тел­на­та му­зи­ка, ди­на­мич­ни­те и ек­стрем­ни емо­ции ја оду­ше­ви пуб­ли­ка­та.

За прв­пат во Ма­ке­до­ни­ја дој­де Др­жав­ни­от ба­лет на мраз на Санкт Пе­тер­бург, ос­но­ван во 1967 го­ди­на од истак­на­ти­от ко­ре­о­граф Кон­стан­тин Бо­јар­ски и му­зич­ки­от ди­ре­ктор Лео Кор­хин. Од 1995 го­ди­на овој ба­лет поч­ну­ва да одр­жу­ва прет­ста­ви низ опер­ски­те и ба­лет­ски­те са­ли во све­тот. На сво­јот ре­пер­то­ар ги има­ат по­ста­ве­но нај­поз­на­ти­те ба­лет­ски прет­ста­ви „Ле­бе­до­во езе­ро“, „Зас­па­на­та уба­ви­ца“, „Оре­во­кр­шач­ка“… А, исто та­ка, за прв­пат се из­ве­ду­ва­ат на мраз, на­до­пол­не­ти со гран­ди­оз­на ко­сти­мо­гра­фи­ја и сце­но­гра­фи­ја.

– Ова е не­ве­ро­јат­но. Лиз­га­чи­те пра­веа фас­ци­нант­ни ско­ко­ви во пре­крас­ни­те ко­сти­ми. Исто ка­ко да гле­да­те ба­лет, но мно­гу по­до­бро – ве­лат гле­да­чи­те.

Са­мо ко­сти­ми­те за „Ле­бе­до­во езе­ро“ чи­нат по­ве­ќе од 250.000 до­ла­ри би­деј­ќи по­крај есте­ти­ка­та, тие мо­ра да има­ат и иск­лу­чи­тел­на из­држ­ли­вост за да мо­жат да ги сле­дат из­вед­би­те на ба­ле­та­ни­те.

Се­ко­ја прет­ста­ва на овој поз­нат ру­ски ба­лет го сле­ди бо­га­та ко­сти­мо­гра­фи­ја и освет­лу­ва­ње. Ин­те­ре­сен е по­да­то­кот што овој ан­самбл во сво­јот фун­дус има по­ве­ќе од 800 ко­сти­ми со кои ја ма­ѓеп­су­ва пуб­ли­ка­та во це­ли­от свет.

Уште по­ин­те­ре­сен е на­чи­нот на кој се­то ова се из­ве­ду­ва. Коц­ки­те мраз се по­ста­ву­ва­ат на сце­на­та, а фре­он и ком­пре­со­ри ја за­др­жу­ва­ат тем­пе­ра­ту­ра­та на лиз­га­ли­ште­то, а се до­да­ва во­да за да се изед­на­чи мра­зот. Зад за­ве­са­та се по­ста­ву­ва­ат по­мош­ни ѕи­до­ви за за­шти­та на тан­ча­ри­те ко­га лиз­га­ат над­вор од сце­на­та. На искус­на­та про­дук­ци­ска еки­па , ко­ја од Ру­си­ја но­си сѐ што ѝ е по­треб­но, ѝ беа по­треб­ни 24 ча­са за да го мон­ти­ра мра­зот, а са­мо шест ча­са да го де­мон­ти­ра. За прет­ста­ва­та се ко­ри­стат не­ве­ро­јат­ни 2.700 ки­ло­гра­ми мраз.

– Мно­гу­ми­на не мо­жат ни да за­мис­лат ка­ко мо­же се­то ова да се на­пра­ви на сце­на. Го­лем број од гле­да­чи­те што во Ма­ке­дон­ска­та опе­ра и ба­лет ја ви­доа прет­ста­ва­та, ве­ќе го гле­да­ле „Ле­бе­до­во езе­ро“, но беа љу­бо­пит­ни да ви­дат ка­ко се­то тоа ќе се из­ве­де на мраз – ве­лат упа­те­ни­те.

Игра­чи­те од Др­жав­ни­от ба­лет на мраз на Санкт Пе­тер­бург не оста­ви­ја ни­ту еден гле­дач во пуб­ли­ка­та рам­но­ду­шен. Со сво­ја­та обу­ка вса­де­на во тра­ди­ци­ја­та на Ки­ров ба­лет во Ру­си­ја, лиз­га­чи­те из­ве­доа од­лич­на прет­ста­ва на мраз. Си­те из­ве­ду­ва­чи се по­ра­неш­ни шам­пи­о­ни во лиз­га­ње. Нив­ни ко­ре­о­граф е Кон­стан­тин Бо­јар­ски, чи­ја­што би­о­гра­фи­ја вклу­чу­ва на­ста­пи со ба­лет­ски­те ле­ген­ди ка­ко Ру­долф Ну­ре­ев и Ми­ха­ил Ба­риш­ни­ков.

Му­зич­ки ди­ре­ктор и ко­ос­но­вач на оваа ба­лет­ска ку­ќа е Лео Кор­кин, поз­нат ру­ски ди­ри­гент. Низ го­ди­ни­те, во ба­лет­ска­та прет­ста­ва се по­ја­ву­ва­ле гра­ци­оз­ни­те дви­же­ња на свет­ски и на европ­ски пр­ва­ци во умет­нич­ко лиз­га­ње, ме­ѓу кои и олим­пи­ски­те шам­пи­о­ни Људ­ми­ла Бе­ло­у­со­ва, Олег Про­то­по­пов и Људ­ми­ла Смир­но­ва. Си­те прет­ста­ви се по­ста­ве­ни од глав­ни­от ко­ре­о­граф Кон­стан­тин Ра­са­дин, поз­нат и приз­нат ру­ски умет­ник. Оваа ба­лет­ска ком­па­ни­ја прв­пат ги по­ста­ви­ла кла­сич­ни­те ба­ле­ти во кла­сич­ни ко­сти­ми и сце­но­гра­фи­ја на мраз ин­ста­ли­ра­на на сце­на на те­а­тар.

Ме­ѓу три­е­се­ти­на­та умет­ни­ци на сце­на­та беа и Ве­ра и Ро­ман, не­ко­гаш­ни ус­пеш­ни спор­ти­сти, на­гра­ду­ва­ни во умет­нич­ко лиз­га­ње, а де­не­ска ба­лет­ски мај­сто­ри на до­бро поз­на­та­та под­ло­га.

– Ве­ќе се­дум го­ди­ни сум дел од Ру­ски­от др­жа­вен ба­лет. Во те­кот на овие го­ди­ни ги оби­ко­лив­ме ре­чи­си си­те кон­ти­нен­ти. На на­ши­от „за­мрз­нат“ ре­пер­то­ар се уште че­ти­ри прет­ста­ви, кои се­ко­гаш ја оду­ше­ву­ва­ат пуб­ли­ка­та – ве­ли Ро­ман.

Не­го­ва­та парт­нер­ка на сце­на­та е Ве­ра, ба­ле­ри­на ка­ква што мо­же­те да ви­ди­те во нај­у­ба­ви­те бај­ки. Со го­ди­ни се дру­жи со лиз­гал­ки­те, но пред три и пол го­ди­ни ре­ши­ла да им ја до­да­де ма­ги­ја­та на ба­ле­тан­ки­те и се­га таа е дел од Ру­ски­от др­жа­вен ба­лет и ни ја пре­не­су­ва це­ла­та уба­ви­на на до­бро поз­на­ти­те но­ти.

– Во на­ши­от те­а­тар „Ле­бе­до­во езе­ро“ се из­ве­ду­ва ве­ќе 25 го­ди­ни. Се­ко­ја го­ди­на се ба­ра кар­та по­ве­ќе. Ова е спе­ктакл што не се про­пу­шта – ве­ли Ве­ра.

По за­вр­шу­ва­ње­то на прет­ста­ва­та има­те чув­ство де­ка леб­ди­те и де­ка сте дел од пре­крас­на ру­ска бај­ка. И овој пат дој­де до израз це­ла­та гра­ци­оз­ност на лиз­га­чи­те, фан­та­зи­ја­та на ко­сти­мо­гра­фи­те и на сце­но­гра­фи­те, спе­ци­јал­ни­те ефе­кти, ве­шти­на­та на свет­ски­те умет­ни­ци на тан­цот на мраз со без­вре­мен­ска му­зи­ка.

Во пос­лед­ни­те пет го­ди­ни оваа ба­лет­ска про­дук­ци­ја е ус­пеш­но из­ве­де­на на нај­до­бри­те сце­ни во САД, Ка­на­да, Хо­лан­ди­ја, Гер­ма­ни­ја, Ки­на, Шпа­ни­ја, Тај­ван, Есто­ни­ја, Ро­ма­ни­ја, а за овој свет­ски поз­нат ба­лет во су­пер­ла­тив би­ле об­ја­ве­ни кри­ти­ки во „Лос Ан­џе­лес тајмс“, „Чи­ка­го триб­јун“, „Франс со­ар“, „Ко­реја тајмс“ и мно­гу дру­ги уг­лед­ни вес­ни­ци.

Подготви: Невена Поповска
Фото: Са­шо Н. Алу­шев­ски
(Текст објавен во 225. број на неделникот „Република“, 23.12.2016)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.