Тој го уби најбараниот терорист – полицаец е само 9 месеци, а сега е херој!

Младиот полицаец што во три часот по полноќ го уби Тунижанецот Анис Амри е Лука Скати (29), кој инаку стапил на должност само девет месеци пред овој настан.

Тој го уби најопасниот и најбаран терорист, кој со камион влета на божикниот саем во Берлин, при рутинска полициска контрола во миланската населба Сесто Сан Џовани.

Имено, полицајците го запреле возилото и сакале само да го контролираат возачот. Но, тој извадил пиштол и почал да вика „Алаху акбар“ и да пука, притоа ранувајќи го полицаецот Кристијан Мовија (36).

Куршумот кој дошол од страна на младиот Скати го спречил терористот да повреди или убие уште луѓе.

За време на претпладнето се огласи и министерот за внатрешни работи на Италија, Марко Минити, кој потврди дека во Милано е убиен Тунижанецот што е осомничен за напад во Берлин. Притоа тој се заблагодари на младиот Лука Скати во име на целото министерство и италијанската полиција.

-Амри беше најбаран терорист и многу сум горд со која брзина колега, кој само што стапил на должност, ја решил ситуацијата – рекол Минити.

Според пишувањето на медиумите, кај Амри е пронајден билет за воз, а во Италија дошол од Франција. Запрен бил пред железничката станица во Милано.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.