Вестбрук продолжува да инпресионира, Кливленд рутински до нова победа (видео)

Милвоки не можеше да го изненади актуелниот шампион во НБА лигата, Кливленд, доживувајќи пораз од 113-102 во натпревар во кој незапирливи беа Кајри Ирвинг со 31 и Леброн Џејмс со 29 поени. Кај Милвоки, Антетокунбо постигна 28 поени, а Паркер дополни со 27 поени.

Оклахома Сити Тандер забележа победа на теренот на Њу Орлеанс со 110-121, со нова одушевувачка партија на Расел Вестбрук. Еден од најкорисните кошаркари оваа сезона запиша 42 поени, 10 скока и 7 асистенции. Со овој нов „дабл-дабл“ Вестбрук ја продолжува својата најдобра сезона во кариерата. Во поразениот состав Ентони Дејвис постигна 34 поени, а имаше и 15 скока.

Фантастична ноќ имаше и Марк Гасол, кој со 38 поени го водеше Мемфис до победа против Детроит од 98-86.

НБА резултати:

Кливленд – Милвоки 113-102, Атланта – Минесота 84-92, Детроит – Мемфис 86-98, Чикаго – Вашингтон 97-107, Њу Орлеанс – Оклахома 110-121, Феникс – Хјустон 111-125, Јута – Сакраменто 93-94, Портланд – Далас 95-96

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.