Голем пожар – горат 140 згради во Јапонија (Видео)

Голем пожар избувна во северозападниот јапонски град Итоигава. Огнот зафатил над 140 живеалишта и други објекти, јави ТАСС.

Локалната полиција извести дека од реонот се евакуирани околу 600 лица од 270 живеалишта.

Засега нема податоци за жртви, а две лица се во болница поради чадот предизвикан од пожарот.

Огнот избувнал во 10.30 часот по локално време од кинески ресторан и набрзина ги зафатил околните згради. Причината за пожарот сè уште е непозната. На местото се испратени 17 противпожарникарски возила, но работата на пожарникарите се отежнува поради силниот ветер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.