Чикаго во моментов е постудено и од Марс

Чикаго во моментов е еднo од најстудените места на планетата. Постудено е дури и од Марс. Според НАСА, температурата во близина на роверот „Curiosity“ на Марс е минус 2 Целзиусови степени. Во Чикаго во 9 изутрина во понеделникот беа измерени минус 21 Целзиусов степен проследени со ладен ветар од минус 29 степени.

Градот речиси го сруши рекордот за најниска температура, но не успеа за 1 степен по Фаренхајт во споредба меѓународниот аеродром О’Хара во 1983 година.

Но, во текот на ноќта во Чикаго беше постудено отколку на Јужниот Пол, Антарктикот, каде беа измерени минус 24 степени.

На само неколку места на Земјата во моментов е поладно од Чикаго. Северниот Пол е на минус 28 степени, а во Сибир, домот на најстудениот град во светот, во моментов е на минус 35 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.