Чавоков: Нема правни аргументи за приговорите до ДИК- на тие избирачки места немаше интервенција

За мене е очигледно, како што е очигледно и за граѓаните на Македонија дека нема апсолутно никакви правни аргументи за овие приговорите кои се доставени до Државната изборна комисија. И од избирачките места на кои се однесуваат приговорите, не треба темелна или длабока анализа, да се констарира дека тоа е интенција да се направи реинженеринг на изборниот процес, истакна директорот на Бирото за јавна безбедност Митко Чавков, кој беше гостин во Вестите на Сител ТВ.

-Не случајно кажувам реинженеринг, бидејќи има сериозни индикации дека имаше сериозен инженеринг на денот на изборите, тоа го потврдува и случаите во Кочани каде што припадници од СДСМ работеа на поткуп на гласачи и тоа го потврдуваат и случаите во Струмица каде што исто така имаше кривична пријава, тоа го потврдуваат и случаите во Куманово. Така што, на инженерингот на самиот ден на избори, сега следи реинженеринг преку неаргументирани приговори, рече Чавков.

Директорот на БЈБ додаде и дека на избирачките места за каде се поднесени приговорите немало ниту интѕервенција, ниту пак барање за интервенција.

-Апсолутна стабилна јавна безбедност имавме. На овие избирачки места каде што се поднесени приговорите апсолутно немаше интервенција, ниту барање за интервенција на полиција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.