СДСМ немоќни, 7 членови на ДИК гласаа „против“ приговорот на Беса за с. Грушино

По паузата што ја даде претседатеот на ДИК за да се смират страстите на членовите кои ги вознемирија три неважечки ливчиња во избирачкото место 2340 во селото Грушино и барањето на Милев да се отвори гласачката кутија и да се пребројуваат ливчињата вона седницата на ДИК, ДИК не го прифати и третиот приговор поднесен од Беса.

Приговорот на Беса беше поднесен за гласачкиот процес во избирачкото место 2340 во селото Грушино, во општина Арачиново, во ИЕ 2. Приговорот е за вршење притисок од неовластени лица и агитирање внатре и надвор, групно и фамилијарно гласање, намерно не е ставен печат на ливчињата за да бидат прогласени за неважечки, притисок врз набљудувачите на Беса и непочитување на нивните забелешки да бидат внесени во записникот 16.

Со 7 гласа „против“ и само 2 гласа од СДСМ „за“ ДИК го отфрли приговорот на Беса со образложение дека е неоснован, бидејќи не постојат докази, цврсти аргументи дека навистина треба да се отвори гласачкиот материјал. Повторно, како и за претходните два приговори позитивно гласаа само членовите на СДСМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.