Милошоски до Шилегов: Ние од ВМРО-ДПМНЕ сме сплотени затоа ве победуваме 10 пати

Ние како ВМРО-ДПМНЕ сите сме заедно, со партијата, со народот, со претседателот и затоа ве победивме по 10-ти пат, му одговори кандидатот за пратеник и носител на листа, Антонио Милошоски.

-Петре Шилегов, немај гајле…, ние како ВМРО-ДПМНЕ сите сме заедно, со партијата, со народот, со Претседателот. Како резултат на таа сплотеност ве победивме по 10ти пат на избори, а народот Ви покажа што мисли за Вашите деструктивни сценарија и политички кризи. СДСМ ги изгуби изборите, Шилегов исто така! Поразениот има право да се лути, и цивилизирана обврска да честита! И кратко за мене и за тебе. Не мешај професија (адвокат, лекар, нотар, професор) со политички мандат. Иако имам решение за Нотар (во мирување), сепак со голем ентузијазам ќе учествувам во работата на Собранието на Република Македонија, каде очекувам Ти, Заев и Шеќеринска да бидете дел од конструктивната опозиција! Vox populi, vox Dei! Да живее Република Македонија, напиша Милошоски на Фејсбук.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.