Кливленд доминантен, Голден стејт се провлече низ иглени уши (видео)

Кошаркарите на Кливленд славеа против Мемфис на свој терен со 103-86 на еден од синоќешните шест дуели во НБА лигата, на тој начин стигнувајќи до петтата едноподруго победа.

Кевин Лав со 29 поени и 13 скока беше најдобар во победничкиот состав, а го следеа Леброн Џејмс и ЏејАр Смит со по 23 поени, со тоа што Леброн имаше и осум асистенции и шест скока. Гостите беа предводени од Зак Рендолф со 18 поени.

Голден стејт по голема борба на гости славеше против Њу Ореланс со 113-109, а одлучувачките поени ги постигна Дрејмонд Грин од линијата за слободни фрлања. Стеф Кари мечот го заврши со 30 поени и седум асистенции, а Кевин Дурант во победата помогна со 27 поени. Дрејмонд Грин имаше трипл-дабл, со 12 поени, 12 скока и 10 асистенции.

Портланд беше убедлив против Оклахома со 114-95. Домаќините го запреа одличниот Вестбрук на 20 поени, шест скока и шест асистенции, што беше клуч за нивната 13-та сезонска победа. Во својата победа Портланд имаше шест играчи со двоцифрен ефект, Пламли со 18 поени, Лилард со 17 поени…

Во останатите синоќешни дуели од НБА лигата, Атланта загуби од Орландо со 120-131, Чикаго загуби од Минесота со 94-99, и Феникс беше подобар од Њујорк никс по продолжението со 113-111.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.