Вкупно 12.987 гласови од албанскиот електорат легнаа на изборното „конто“ на СДСМ во албанските општини во ИЕ 1 и ИЕ 2. Албанците од Сарај, Студеничани, Чаир дадоа вкупно 7733 гласови за СДСМ, додека пак во Арачиново, Чаир и Липково кои се во изборната единица 2, дадоа вкупно 5.254 гласови за СДСМ. Со тоа, само во ИЕ 1 и 2, СДСМ доби поддршка од 12.987 албански гласачи, нудејќи им двојазичност и федерализација.
Социјалдемократите победија само во првата изборна единица, а во сите други триумфирала коалицијата предводена од ВМРО-ДПМНЕ. Владејачката партија, практично, во сите изборни единици помалку или повеќе освоила ист број гласови како и на изборите пред две години. Гласовите што на своето конто ги ставил СДСМ очигледно произлегуваат како од оние што им ги дале Албанците од скопското подрачје така и од оние што им ги дале граѓаните што сега излегле на гласање во поголем број отколку на гласањето во 2014 година, плус гласовите на македонските Албанци кои завршиле на сметката на СДСМ.
Според податоците, во ИЕ 1 за опозициската коалиција во неделата гласале 92.190 граѓани, а за ВМРО-ДПМНЕ 72.833. За споредба, пред две години опозицијата освои само 58.091 глас или 34.099 гласа помалку. Владејачката партија, пак, тогаш освоила 73.554 гласа, што е за околу илјада повеќе отколку завчера.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
