Се сликаше со „најлонски дрес“, денеска се сретна со својот идол (видео)

Муртаза Ахмади ги освои срцата на светската јавност откако се појави негова фотографија од Авганистан како игра фудбал во импровизиран дрес од Лео Меси, изработан од најлонски ќесиња. Веднаш реагираше Барселона и самиот аргентински ас, кои му испратија пакет со целосна опрема на шестгодишното момче – кому денеска му се исполни и огромната желба, лично да се запознае со Лионел Меси.

Барселона се наоѓа на кратка „екскурзија“ во Катар, а Организацискиот Комитет на СП 2022 успеа да договори кратка средба меѓу малиот Муртаза и неговиот голем идол.

„Сликата што цел свет сакаше да ја види. Шестгодишното момче кое сонуваше за средба со својот идол Меси, конечно се оствари“ – беше објавено на веб-страницата на Организацискиот Комитет на СП 2022.

The image the world wanted to see. The six year old boy who dreamed of meeting his hero, #Messi, finally comes true. #FCBinDoha pic.twitter.com/58FWn17b9A

— Road to 2022 (@roadto2022) December 13, 2016

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.