Не знае што преживеал: Нето симнат од апарати, прашал како завршил натпреварот

Еден од тројцата играчи на бразилскиот фудбалски клуб Чапекоенс кој ја преживеа авионската несреќа во која загинаа 71 лице, се уште не знае за трагедијата која се случи. Во падот на авионот загинаа 19 играчи, а од шестмината преживеани, биле и тројцата фудбалери- Алан Рушел, Џексон Рагнар Фолман и Елијо Ермито Зампијер Нето.

ТВ Глобо јавува како Нето кој сега се наоѓа на одделението за интензивна нега во колумбиската болница, кога се разбудил од кома, прво прашал за резултатот на натпреварот со Атлетико Национал на кој се упатиле со авион.

Телевизиската станица известува како лекарите избегнувале да разговараат со него за несреќата по препорака на психолози кои тврдат дека сознанието за трагичната смрт на неговите пријатели би предизвикало шок кој би влијаел врз неговото закрепнување.

Нето првпат е симнат од апарати кои го одржувале во живот во саботата и тоа само неколку денови откако неговиот татко открил дека Нето повторно ќе може да игра фудбал.

Во меѓувреме е откриено дека Нето ја читал Библијата пред трагичната несреќа, а неговата сопруга открила дека светото писмо секогаш го носел со себе.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.