Земјата се отворила и ги проголтала автомобилите: Од џиновска дупка извлекувале луѓе, една жена веќе била мртва

Едно лице загинало, а две биле повредени откако два автомобили пропаднале во дупка која преку ноќ се отворила во американскиот град Сан Антонио.

Дупката се раширила преку целата улица, а се отворила поради тоа што пукнал одводот од канализацијата, рекле градските службеници. Длабочината на дупката набрзо достигнала шест метри, а веднаш по отворањето започнала да се полни со вода, поради што немало спас за постарата жена која била во првиот автомобил кој паднал во неа.

Нејзиното тело било извадено подоцна, и набрзо било установено дека всушност се работи за заменичката на шерифот на округот Бексар, Дори Линди Нишихара, пренесува „Ен-Би-Си“.

Кратко потоа во дупката влетал и друг автомобил од кој бил извлечен 60-годишен маж, кој имал полесни телесни повреди.

Пожарникарите во текот на целиот вчерашен ден ги извлекувале автомобилите од дупката, и тоа во многу опасни околности. Тлото било нестабилно, и можело да се урне во секој момент и да ги загрози нивните животи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.