Македонската пејачка Есма Реџепова почина утринава во Скопје во 73 година од животот, после кратка и тешка болест.
Бројни колеги од Балканот ја искажаа својата тага на социјалните мрежи и се простија од Есма на своите профили.
Адил Максутовиќ на својот Инстаграм профил објави фотографија на која е прегрнат со покојната Есма, а во опис на фотографијата ставил тажни емотикони.
Пејачката Сандра Африка својата тага ја сподели со фановите и следбениците.
-Почивај во мир – напишала Африка во опис на постот кој го објави на Инстаграм.
Политичарот Чедомир Јовановиќ исто така го погоди смртта на Есма.
-Џелем, џелем… патиштата ќе ни бидат онакви какви што сме биле ние, патувај по својот прекрасен пат, прекрасна Есма – напишал Чеда.
Колешката на Есма, Лепа Лукиќ нагласила дека Реџепова беше позната по хуманитарната работа.
-Жал ми е, таа била болна, а никој не знаеше. Многу ми е жал. Хуманитарно настапуваше и толку многу деца усвои – рекла Лепа.
Водителката Драгана Катиќ се потсетила на моментот кога Есма гостувала во емисијата „Никогаш не е доцна“.
-Живот за почитување- напишала Драгана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
