Гласањето во кумановскиот регион се одвива непречено. Според податоците на ДИК во Куманово излезноста до 13 часот е 31,11 проценти, во Липково 19,79 проценти, а во Старо Нагоричане 32,61 проценти.
– Стандардно во попладневните часови очекуваме поголема излезност, изјави претседателот на ОИК Куманово, Ненад Саздевски.
Во Куманово се гласа на 167 избирачки места, а евидентирани се вкупно 90.848 гласачи, од кои 89.427 гласаат во ИЕ 2, додека 1.421 лице гласаат во ИЕ 3.
Во Липково право на глас имаат вкупно 24.348 лица кои гласаат на 36 избирачки места. И во општина Старо Нагоричане гласањето се одвива непречено на 37 избирачки места, а право на глас имаат 3.462 гласачи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
