Сан Антонио загуби по 13 триумфи, Голден стејт ја продолжува низата (видео)

Кошаркарите на Сан Антонио го претрпеа првиот пораз по 13 последователни победи, откако ноќва во Чикаго загубија со 95-91. Двејн Вејд постигна 20 поени, а Сан Антонио најпозитивен поедиец имаше во Кавај Леонард кој постигна 24 поени.

Голден стејт дојде до својата 20-та победа сезонава славејќи со 106-99 против Јута на гости. Најефикасен беше Кари со 25 поени, а го следеше Дурант со 21 поен.

Вашингтон го победи Денвер со 92-85, а Бредли Бил со 26 поени беше најдобар поединец, а поддршка имаше од Маркиф Морис и Џон Вол кои постигнаа по 15 поени.

Торонто триумфираше со 124-110 против Минесота, иако гостите во Канада по десет минути игра имаа двоцифрена предност. Најефикасен на мечот беше Дерозан со 27 поени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.