Во текот на последните три дена неколку штабови и билборди на различни политички партии се оштетени.
Вчера во ЕИК Скопје е пријавено дека околу 11:30 часот од страна на полициски службеник, кој бил службено ангажиран, било забележано дека на ул. „Христо Татарчев“ каде е сместен предизборниот штабот на НСДП има оштетување со црн спреј на изложното стакло од просториите на штабот.
Извршено е фотографирање на местото на настанот
Попладнето во 17:52 М.Н. пријавил во ЕИК Скопје дека во штаб на СДСМ до црквата во с.Виниче, од страна на непознат сторител со употреба на сила скршена е влезната врата од објектот, влезено е внатре, направено е претурање, расфрлан е рекламен матријал, а дел е и одземен.
Ноќта меѓу вторник и среда, во точно неутврдено време, од страна на непознат/и сторител/и со камен извршено е оштетување на предно стакло од предизборен штаб на Беса во с.Слатино општина Теарце.
Ноќва, пак, околу 03,00 часот во Скопје, на ул.„Ѓорче Петров“ кај поранешен „Баумаркет“ опожарен е билборд на кој има реклама од политичката партија ДУИ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
