ГДОМ Струмица: Господинот „чесен“ што нуди „живот“, Заев, да одговори на неколку прашања (видео)

Претседателот на ОО ГРОМ Струмица, Сашо Милковски денеска на прес-конфренција од Зоран Заев, лидерот на опозицискиот СДСМ побара да одговри на неколку прашања.

-Господинот „чесен“ што нуди „живот“ ама само за себе и мала група блиски сопартијци околу себе, „трул капиталист“ и голем земјопоседник упорно „плаче“ по средната класа и за сиромаштијата. Се разбира тоа му е мислена именка, која само од време на време ќе ја прочита некаде. Зашто, ниту ја живее, ниту ја гледа нивната живеачка. Посебно не, од плажите на Канистрас – изјави Милковски на прес-конференцијата.

Овој „лев капиталист“ ни остана должен неколку прашања и тоа за:

1. Како господинот Зоран Заев ни продава „весела математика“ во врска со повратот на ДДВ и ( од каде само ќе ја финансира државата?!), кога знаеме дека тој не е по давањето, туку по земањето. Од математички функции знае само собирање и одземање.
-Кога се учело делење не одел на часови. Ако делел не би имал капитал од 40 милиони евра!.

2. Лидер кој многу милува да гледа квизови. Најомилен му е „Како да станеш милионер“ па ги употребува сите џокери. „Повикај го пријателот“, 50; 50… Едно евро за црквата едно евро за мене. Парите кај Вицето.
Ние бандити, него го фаќаат на снимки како бара мито. Чудна работа?!

3. Да го потсетиме и за фамозното „бело ливче“ кое една година го одмолчува и зашто барал 250.000 евра. Во Струмица и струмичко, тендерот за управување со цврст отпад го доби австриската фирма Аса Интернешнл. Дали е вистина дека Заев од лидерот на ГРОМ Јакимовски побарал 250 000 евра за таа фирма и формално да „мине“ на тендерот?

4. Дали следниот пат дошол со ливче на кое пишувало 50.000 евра за изградба на црквата, 50.000 евра за спортот во Струмица, 50.000 евра за културата и 100.000 евра за него лично, за да купува ромски гласови во Струмица?

5. Но, затоа ни ветува албански јазик во Струмица, двосменско работење на администрацијата (за да ги довработи своите кадри), закани со отпуштања и конфискации. Ако не биде по негово се знае, ќе тепа, а може и живи луѓе ќе јаде?! Палењето автомобили му е само попатна, предупредувачка работа?! А за да се забошоти тој случај, сега режираат и крим филмчиња во турско маало во Струмица. Главно нешто да се гледа и да плаши народ.
Ако е ова „животот и светот“ на господинот Заев, фала не сакаме.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.