Заменик-министерот за земјоделство, шумарство и водостопанство, Ванчо Костадиновски, денеска заедно со градоначалникот Иван Франгов, го посетија местото во близина на селото Конско, каде ќе се гради Конска брана, инвестиција вредна 40 милиони евра.
Турскиот изведувач на работите, компанијата Адалихолдинг, една од најголемите компании во Турција со 50 годишно искуство во конструкција и градба на енергетски објект, избрана на меѓународен тендер, за некој ден ќе биде воведена во почетокот на работите за изградба на оваа брана.
Костадиновски при тоа изјави дека браната Конско, која ќе биде мултинаменска, ќе служи за водоснабдување, наводнување, дотур на вода по природен пад до Дојранското езеро, како и развој на локалната туристичка понуда. Тоа е една од трите брани кои во наредниот период ќе почнат да се градат во Република Македонија и чие завршување се очекува во 2021 година.
Градоначалникот на општина Гевгелија истакна дека изградбата на браната била, како што рече, дамнешна желба и барање на граѓаните на општината од далечната 1978 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
