Неверојатен меч на Клеј Томпсон, 60 поени за 29 минути игра (видео)

Синоќа во НБА лигата беа одиграни 11 натпревари, а вечерта ја одбележа неверојатната партија за бекот на Голден стејт Клеј Томпсон, кој одигра феноменален натпревар постигнувајќи 60 поени за помалку од 30 минути игра во победата на неговиот тим над Индијана од 142-106.

Тој одигра неверојатно прво полувреме во кое постигна дури 40 поени, за потоа во вториот дел до додаде уште 20 на своето салдо. Томпсон шутираше 8/14 за тројка и вкупно 21/33 од поле, со што стана прв играч на Голден стејт со 60 постигнати поени откако тоа му успеа на Рик Бери во 1974 година.

Оклахома сити стигна до голема победа на жешкиот терен во Атланта (99-103), дуел на кој Расел Вестбрук го забележа шестиот трипл-дабл во низа, па сега му недостига само уште еден за да го стигне рекордот на Мајкл Џордан од 1989 гоина. Вестбрук имаше 32 поени, 13 скока и 12 асистенции, за свој вкупно 11. трипл дабл сезонава.

Сан Антонио спарс остана со перфектен скор на гостински терен по тешката победа од 96-97 во Милвоки. Спарси се вратија од „минус петнаесет“ во третата четвртина и поведоа со поените на Олдриџ на 15 секунди до крајот, за Телетовиќ да го промаши шутот за победа на домашниот тим.

Кливленд ја прекина серијата од три порази славејќи на гостувањето во Торонто со 112-116. Леброн Џејмс одигра одличен меч со 38 поени, осум скока и седум асистенции, Кајри Ирвинг постигна 24, а Кевин Лав 28 поени за актуелниот шампион.

НБА резултати:

Филаделфија – Денвер 98-106, Торонто – Кливленд 112-116, Атланта – Оклахомa 99-103, Бруклин – Вашингтон 113-118, Хјустон – Бостон 107-106, Чикаго – Портланд 110-112, Милвоки – Сан Антонио 96-97, Њу Орлеанс – Мемфис 108-110 (по прод.), Далас – Шарлот 101-109, ЛА лејкерс – Јута 101-107, Голден стејт – Индијана 142-106.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.