Тинејџер монструм: На другарот му ги отсекол главата и рацете, па го фрлил во река (видео)

Ли Мануел Вилориа Паулино исчезнал на 18. ноември. Семејството вели дека 16-годишниот Ли со себе не понел мобилен телефон и паричник, а 13 дена подоцна, неговото масакрирано тело бил најдено крај реката Меримак во Лоренс во Масачусетс.

На тинејџерот му била отсечена главата и двете раце отсечени до под лактите.

-Никогаш не сме виделе нешто пострашно. Обдукцијата траеше 11 часа бидејќи телото беше премногу оштетено. Жителите се згрозени од ова злосторство, а нашата мала заедница е психички уништена- рекол началникот на тамошната полиција.

Ден откако го пронашле убиеното момче, полицајците го уапсиле и неговиот врсник и пријател од училиште, Метју Боргес. Иако се сомневаат дека токму тој го извршил злосторството, не ги откриваат мотивите кои го натерале на тоа, пренесуваат американските медиуми.

На средношколецот ќе му се суди за убиство од прв степен како да е возрасно лице.

-Боргес и Вилориа Паулино заедно вечерале тој ден кога исчезнал убиениот: Двајцата биле расположени, насмеани и среќни. На никого не му е јасно што се случило подоцна- рекле шокираните пријатели од училиштето.

Тетката на жртвата, Кристина Мичауд, вели дека нејзиниот внук бил одличен ученик, сакал поезија, секогаш бил подготвен да помогне, а сега се плаши дека јавноста брзо ќе го заборави неговото убиство.

-Не сакаме да не третираат како граѓани од трет ред само затоа што сме Латиноамериканци. Ли Мануел не беше квартовско проблематично дете и заслужува праведно судење- рекла очајната тетка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.