Дваесет и шестгодишниот тетовец М.О., завчеравечер околу 22 часот и 30 минути пријавил уцена од непознато лице, со кое нецел час пред тоа, на една од социјалните мрежи разговарале на англиски јазик и користеле камери.
Непознатото женско лице, откако целосно се соблекло пред камера побарало и М.О. да се соблече пред неговата камера, а набрзо потоа му рекло дека неговиот видео-клип ќе го објави на „Јутјуб“ доколку ме му исплати 500 американски долари, информираат од СВР Тетово.
Откако М.О. не се согласил со тоа, со образложение дека моментно нема толку пари, за кусо време клипот веќе бил поставен на „Јутјуб“.
Полицијата превзема мерки и активности за расветлување на пријавеното и за откривање на уценувачот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
