Бод голем колку планина за ПСЖ, Атлетико и Барса со рутински победи до првото место (видео)

Арсенал и Пари Сен Жермен одиграа одличен меч во Лондон и ги поделија бодовите, играјќи 2-2. Борбата за првото место ќе продолжи и во последното коло од групата А, со оглед дека и двата тима имаат по 11 бода. Кавани ја отвори серијата голови, Жиру од пенал израмни пред полувремето, а во вториот дел два автогола. Прво Верати ја внесе топката во својата мрежа, а потоа и Ајвоби, по ударот на Лукаш. Со овој резултат ПСЖ е пред Арсенал бидејќи првиот нивен меѓусебен дуел во Париз го одиграа 1-1.

Барселона со двата гола на Лионел Меси успеа да слави на гостувањето во Глазгов против Селтик со 0-2. Аргентинецот првиот гол го постигна во 24.минута, по асистенција на Нејмар, а во 55.минута стрелаше и од белата точка. Со ова каталонскиот гигант се пласира во осминафиналето.

Атлетико Мадрид славеше рутинска победа над ПСВ со двата гола во второто полувреме. Најпрвин успешно стрелаше Гамеиро во 55 минута, а 11 минути подоцна францускиот ас Антоан Гризман со неговиот гол влезе во историјата на клубот бидејќи тоа му беше 12 гол во Лигата на шампионите со што се израмни со големиот Луис Арагонес.

Манчестер сити ремизираше (1-1) на гостувањето против Борусија Менхенгладбах и цврсто ја држи втората позиција. Рафаел го доведе германскиот тим во водство, а израмни Давид Силва пред самиот крај на првиот дел.

Резултати:

Лига шампиони

Група А:

Арсенал – ПСЖ 2-2, Лудогорец – Базел 0-0
Табела: ПСЖ 11, Арсенал 11, Базел 2, Лудогорец 2.

Група Б:

Наполи – Динамо Киев 0-0, Бешикташ – Бенфика 3-3
Табела: Наполи 8, Бенфика 8, Бешикташ 7, Динамо Киев 2.

Група Ц:

Борусија М. – Манчестер сити 1-1, Селтик – Барселона 0-2
Табела: Барселона 12, Манчестер сити 8, Борусија М. 5, Селтик 2.

Група Д:

Атлетико М. – ПСВ 2-0, Ростов – Баерн М. 3-2
Табела: Атлетико М. 15, Баерн М. 9, Ростов 4, ПСВ 1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.