Децата во Романија од кои некои имаат само шест години, изработуваат играчки за Киндер јајца по сатница од мизерни 22 центи.
Сиромашните романски семејства работат и по 13 часа на ден, внимателно сложувајќи минијатурни пластични игарчки кои доаѓаат во киндер јајцата. За секои илјада јајца кои семејствата ќе ги состават, се добиваат 20 романски лева, што е 4,5 евра. Производите потоа се испраќаат во фабрика во Цареи и се продаваат за 0,9 евра, пишува британски „Сан“.
Киндер е во сопственост на чоколадниот гигант „Фереро“.
– Кога шефовите од „Фереро“ би дознале што се случува во Романија, би добиле инфаркт. „Фереро“ не го добива тоа што го плаќа, а посредниците некаде сигурно брутално заработуваат на грбот на оние кои ги третираат како робови – вели извот од „Киндер“.
„Сан“ направил интервју со семејството Јурј кое е вклучено во работниот процес, таткото Кристијан (41), мајката Тимеа (30), двете деца Патрик (11) и Хана (6).
– Тоа е робовска работа, но немаме избор – велат тие.
„Фереро“ во соопштението наведува дека детскиот труд е забранет во нивните фабрики, и гарантираат минимална плата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
