Голден стејт влезе во ритам, Клиперс на домашен терен подобар од Торонто (видео)

Актуелниот вицешампион екипата на Голден стејт се чини дека влезе во препознатливиот ритам од минатата сезона кога ги сруши сите клупски рекорди во НБА-лигата. Избраниците на Стив Кер газат сѐ пред себе во последните десетина дена. „Воините“ синоќа не само што триумфираа во Индијана, туку и тоа го сторија во голем стил, декласирајќи го домашниот состав со 37 поени разлика (83-120). Доминацијата почна уште од првата четвртина што Голден стејт ја доби со 21-34, а траеше се до самиот крај, во кој тренер Кер им даде шанса и на дел од резервните кошаркари. Клеј Томпсон беше најефикасен кај победничкиот тим со 25 поени, три повеќе од Стеф Кари, додека Дурант оствари дабл-дабл од 14 поени и 11 скокови.

Интересно беше во Лос Анџелес, каде клиперси во ефикасен дуел славеа над Торонто со 123-115. Пол и Грифин повторно беа лидери на својот тим со по 26 поени, а овојпат одлична помош имаа и од Редик, кој постигна три тројки од четири обиди за вкупно 20 поени.

НБА резултати:

Милвоки – Орландо 93-89, Детроит – Хустон 96-99, Шарлот – Мемфис 90-105, Вашингтон – Феникс 106-101, Филаделфија – Мајами 101-94, Индијана – Голден стејт 83-120, Минесота – Бостон 93-99, ЛА клиперс – Торонто 123-115, Сан Антонио – Далас 96-91.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.