Пилотот на Мерцедес и лидерот во генералниот пласман, Нико Розберг изјави дека сѐ уште не ја знае стратегијата за последната трка во Абу Даби. Патеката „Јас Марина“ ќе одлучи дали Германецот ќе стигне до својата прва, или, пак, Хамилтон ќе го одбрани трофејот трета година по ред.
– Уште не знам како ќе пристапам на последната трка. Ќе дознаете можеби в четврток, кога ќе пристигнам во Абу Даби и кога ќе имам повеќе време за размислување. Како и секогаш, ќе биде тежок викенд. Предизвиците се постојани во Формула 1 и ништо нема да добиете лесно – изјави германскиот пилот.
Тој има солидна предност во однос на својот клупски колега и може да си дозволи да заврши на второто или третото место во случај на победа на Британецот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
