Бранителот на завршниот Мастерс, Новак Ѓоковиќ со победа го започна последниот турнир во 2016 година, откако со проблеми во „О2 арената“ во Лондо го совлада Доминик Тием од Австрија со 2-1 (6-7, 6-0, 6-2) во сетови.
Србинот имаше многу проблеми во првиот сет и пропушти неколку шанси да го освои сетот и пред тај-брејкот, но по 22 поени во 13 гем, се радуваше младиот Асвтриец.
Потоа започна егзибицијата на Ѓоковиќ, кој освои седум гема по ред, го освои вториот сет без загубен гем и потоа веднаш го одзеде сервисот на противникот на почетокот на третиот сет. Потоа лесно го приведе сетот и мечот кон крај.
Вечерва во рамките на оваа иста група играат Гаел Минфилс против Милош Раониќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
