Страшни сцени во Букурешт: Левандовски настрада, петарда експлодира на теренот (Видео)

Големите фудбалски ѕвезди понекогаш знаат да бидат жртви на нерационалното однесување на одредени фанови, а оваа вечер тоа на своја кожа најдобро го почувствува Роберт Левандовски, кој имаше голема среќа што избегна тешка повреда во Романија.

Полска дојде до минимално водство од 1-0 на гостувањето во Букурешт благодарение на голот на Гросицки, но пред крајот на првиот дел пристигна и немилата сцена кога домашните фанови се покажаа во лошо светло.

Lewandowski nearly hit by a firecracker. Poor behaviour from the Romanian fans. pic.twitter.com/XJDRphZrZT

— Sporting Anderlecht (@Sporting_AND) November 11, 2016

Една петарда заврши во близина на голот на домаќините кога се изведуваше еден корнер, а иако во прв момент се доби впечаток дека не станува збор за експлозивна направа, сепак силината на ударот ги шокираше сите присутни, а особено Левандовски кој легна како покосен на земјата.

O powadze sytuacji niech świadczy fakt, że nawet Pazdan się wystraszył #RUMPOL pic.twitter.com/gmsUeOgrZ7

— Franciszek Smóda (@Franek_S) November 11, 2016

Полјакот мораше да добие лекарска помош со оглед на големиот шок што го доживеа, а дека е вистински професионалец покажа со тоа што без проблеми го продолжи натпреварот појавувајќи се на теренот на стартот на второто полувреме.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.