Членството незадоволно, спас се бара кај специјалните: Дали СДСМ преку Ленче најавува нови aктивности на СЈО?

Ескалира состојбата во опозицијата. Расправиите што почнаа по формирањето на кандидатските листи се вжештија откако Заев ја формираше коалицијата. Високи функционери и пратеници го обвинија дека ја приватизирал партијата и донесувал непринципиелни одлуки без консултација со раководните тела.

Соочени со страшен пораз, кој не само што е на повидок, туку станува се пореален и пореален со секој нов политички потег на Заев и коалицијата, сегашните и поранешни пратеници на СДСМ се расеани, уплашени и крајно нервозни.

По исклучително бурните реакции од страна на функционерите и членовите на СДСМ за договорот меѓу Заев и Драгиша Милетиќ за коалиција, поранешната пратеничка Ленче Николовска, очигледно, во состојба на врвна паника синоќа, без ниту еден милиграм срам, јавно адресираше уште една нарачка на СДСМ до СЈО.

СДСМ го гледа СЈО како единствен спас од кашата во која самиот се донесе. Јавна тајна е дека СЈО работи во координација и по нарачки на СДСМ, меѓутоа ова е за првпат едно високо официјално лице на партија јавно на „Фејсбук“, без нималку срам, да упатува нарачки до СЈО со една од нивните празни прес-конференции да се обидат да ја дефокусираат јавноста од внатрешните проблеми на опозицијата.

Ленче Николовска не е првиот опозиционер што без срам и перде упатувал нарачки до СЈО. Нејзиниот лидер Зоран Заев на собирот во Капиштец пред повеќе месеци јавно ги најавуваше притворите кои СЈО ќе ги бара за функционери на ВМРО-ДПМНЕ, уште тогаш давајќи јавни сигнали за координираноста меѓу СДСМ и СЈО.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.