Документарецот за „Битлси“ наскоро доаѓа во кината (видео)

Книги, филмови, ТВ, радио, есеи и изложби…Се е ова веќе направено за нив, но дали тогаш постои нешто ново што може да дознаеме за „Битлси“? Во случајот со Рон Хауард и неговиот најнов документарец под наслов „Битлси: Осум дена во неделата“ (The Beatles: Eight Days a Week, The Touring Years) има изненадувачки доста околу тоа што не знаеме за најголемиот феномен на 20. век.

Џон Ленон, Пол Мекартни, Џорџ Харисон и Ринго Стар заедно го сочинуваат феноменот на дваесеттиот век познат под името „Битлси” , a најновиот документарец во домашните кина доаѓа на 17.ноември. Името на филмот е воедно и називот на хит синглот од 1964 година, а првиот трејлер ни открива дека филмот изобилува со архивски материјали, интервјуа и снимки од концерти.

Во овој филм Рон Хауард, познат режисер и добитник на „Оскар“, го истражува неверојатното патување на најпознатиот бенд на сите времиња во периодот од 1963 до 1966 година познат како феноменот Битлманија. Низ оригинални интервјуа,архивски снимки,неверојатни настапи во живо и интимниот карактер на студиото, не доведува во центарот на случувањата, давајќи одговор кој сите сакаме да го слушнеме: како било да бидеш таму?

Фантастичната група е вечна инспирација на бројни режисери. Некои од филмовите кои имавме прилика да ги погледнеме се: A Hard Day’s Night (1964),  Help (1965), I Wanna Hold Your Hand (1978), Birth of the Beatles (1979), Imagine: John Lennon (1988), Backbeat (1994),Nowhere Boy (2009), Two of Us (2009) i George Harrison (2011).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.