Тетовците „Хај Контрол“ со нова песна и видеоспот

Секогаш енергичните тетовци од алтернативната инди – рок група „Хај Контрол“ („High Control“) повторно со нешто свежо и поинакво од нивната музичка кујна.

„Заборави“ е името на новата песна која ќе се најде и на нивниот трет албум за чија музика и аранжман се погрижија токму тие и која Роберт, Игор, Гоце и Јосип ја нудат на македонскиот музички пазар. Текстот за „Заборави“ го напиша Роберт Матовски.

Видео – спотот за новата песна на „Хај Контрол“ е изработен од Горила продиукција, на падините на Козјак и е комплетно дело на познатото дуо Владимир Дади Ивановски и Нена Зафировска.

Со „Заборави“, „Хај Контрол“ го најавуваат почетокот на едно напорно работно лето, во кое ги очекуваат многу настапи и концерти низ земјава, како и подготовка на многу новите музички проекти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.