Спанулис со совет до младите: Не се обидувајте да го копирате Кари (видео)

Додека поголемиот дел од светската јавност му се восхитува на еден од најдобрите кошаркари Стеф Кари, грчката кошаркарска легенда Василис Спанулис ги советува младите генерации да не се трудат да го копираат Кари. Играчот на Голден Стејт веќе неколку години е најдобар тројкаш, а пред два дена го собори рекордот во НБА лигата по бројот на постигнати тројки на еден натревар, 13 погоди од 17 обиди.

– Кари е феномен, но подобро за децата е да не го гледаат тоа што го прави. Ќе се обидат да го направат истото и ќе бидат разочарани, бидејќи ќе сфатат дека тоа не е лесно како што изгледа. Лично никогаш не сум се оптеретувал со статистика. Одсекогаш во главата ми е само да му помогнам на тимот – вели Спанулис.

Кари моментално е на 18. место на сите времиња со 1.625 постигнати постигнати тројки. Но, според процентот на успешност се наоѓа на врвот на листата со 44% погодени удари или 1.625 од 3.661 обид. Ако продолжи со ова темпо сигурно дека ќе го собори рекордот на Реј Ален, кој кариерата ја заврши со 2.973 постигнати тројки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.