Дурант немилосрден против „своите“, Леброн продолжува да доминира (видео)

Сите очи соноќа беа вперени во ГОлден стејт и Кевин Дурант бидејќи за првпат откако си замина од Оклахома мораше да се соочи со своите стари соиграчи. Шутерот на Вориорси одигра феноменална партија и за 31 минута постигна 39 поени со шут од поле 15/24. Ова е прв пораз за Оклахома сезонава (122-96), а Оладипо со 21 и Вестбрук со 20 беа најефикасни во поразената екипа. Кај Вориорси, во победата се надоврза и Стеф Кари со 21 и Клеј Томпсон со 18 поени.

Kevin Durant 39 Pts Highlights – Thunder vs… by nba-poeni

Одлична ноќ имаше и Леброн Џејмс кој запиша 30 поени, со 12 асистенции и седум скока во победата на Кливленд над Бостон од 128-122. На гостите не им помогнаа ниту 30 поени на Томас, па Кливленд остана на максимален ефект, пет од пет.

Домашна победа оствари и Орландо во дуелот со Сакраменто од 102-94, а најдобри во победничкиот тим беа Фурние со 29 поени и Ибака со 17 поени.

Кошаркарите на Милвоки запишаа победа над Индијана од 125-107. Најефикасни во победничката екипа беа Антетокунбо и Паркер со по 27 поени, додека Индијана ја предводеше Џорџ со 23 постигнати поени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.