Терористите пренесени во Охрид заради осуетен обид да бидат ослободени ? ! (видео)

Терористите од Диво Насеље се пренесени во затворот во Охрид од како претходно властите добиле информации од разузнавачките служби дека некој групи подготвуваат акција за нивно ослободување – дознава Охрид1 од свои извори.

Со цел да се осуети обидот, истите се транспортирани во затворот во Охрид, а дали тука ќе останат или само привремено ќе се во слабо обезбедениот затвор , ( кој е лоциран во строгиот центар на Охрид, во густо населен дел на градот ) никој наш извор во моментов неможе да информира, пишува порталот.

СВР Охрид на највисоко организациско ниво при транспортот на терористите максимално го обезбеди градот, а обезбедувањето на објектот каде се лоцирани продолжува и ноќва, а според информации на Охрид1 нема никаков простор за вознемиреност бидејќи СВР Охрид ги има превземено сите мерки за безбедност на објектите и градот воопшто.

Инаку веста дека терористите се пренесени во Охрид, и видео снимките од блокираниот град кои ексклузивно го објави Охрид1 предизвикаа нервоза кај граѓаните кои не го видеоа тоа на улиците, а исто е чувството и кај бројните граѓани кои посведочија лично на несекојдневната глетка во градот кој буквално беше сардисан од специјална полиција.

извор Охрид 1

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.