Три лица на возраст од 16, 19 и 46 години го загубија животот во сообраќајната несреќа која вчера попладне се случи на магистралниот пат Гостивар-Кичево, кај Зајас.
Според информациите од полицијата до несреќата дошло откако З.З. (46) од кичевско Колари управувајќи „Форд ескорд“ удрил во задниот дел од неосветлен трактор натоварен со дрва кој го управувал 66 годишниот Џ.Ј.
Поради тешки повреди на лице место животот го загубиле возачот на „Фордот“ и двајцата сопатници, 16 годишниот Х.А. и А.В. (19), додека полесно повредени биле возачот на тракторот и неговиот сопатик А.М. (25).
Телата на починатите се предадени на обдукција. Полицијата на местото на несреќата извршила увид, а сообраќајот од 19:20 до 00:30 се одвивал наизменично по една коловозна лента.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
