Драгана повторно би била Јагодинка, но Славко не сака да слушне

Од премиерата на легендарното остварување, култниот југословенски филм „Лажливо лето 1968“ на Горан Паскаљевиќ поминаа триесетина години, а реченицата што ја изговара актерот Бата Стојковиќ „Меси, сине, меси“ одамна е култна.

Што мислат од таа дистанца главните актери во сцената.

Драгана Варагиќ, која ја толкуваше улогата на пекарката Јагодинка Симоновиќ, се сеќава на Јагодинка со насмевка на лицето.

-Не ме викаат веќе Јагодинка на улица и не ме влечат. На таа улога денес гледам со насмевка. Младата пекарка ми е мила, зашто е нежна и комична, вели Варагиќ и додва дека таа била единствено нешто комично во нејзиното море од трагични ликови кои ги толкувала.

-Повторно би била Јагодинка со задоволство.

За истиот филм и за истата сцена по 30 години Славко Штимац не зборува со истото задоволство. Во низата сцени за паметење во филмот, сцената во која ѝ ги меси градите на Јагодинка Симоновиќ, славниот актерне гледа ништо сензацонално.

-Искрено, и не ја гледам сцената со Јагодинка Симоновиќ, а особено не размислувам за неа. И после толку години не знам што да мислам за тој дел од филмот. Малку ме иритира кога луѓето, од целиот филм, ја паметат само таа сцена. Често мис е случува да ме прашуваат амо за тоа, но добро…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.