Крокодил ги нападна во базен- момчето избега, девојката се бореше сама (Видео)

Влекачот прво се прикраде, за потоа веднаш да се упати во лов кон момчето и девојката. Момчето прво забележа дека животите им се во опасност и без многу двоумење скокна од водата оставајќи ја својата девојка сама да се снаоѓа како знае и умее.

Девојката, откако остана сама, се обиде да дојде до другата страна од базенот и да излезе од водата. Сепак, младиот крокодил ја напада. За среќа таа успеа да го одби неговиот прв напад. Но, тоа уште повеќе го разбесни влекачот кој ѝ се нафрли повторно и уште побесно.

Дојде до кратка борба во која девојката, иако се здоби со повеќе гребаници, успеа да излезе од водата.

Момчето, како што објави „The Sun“ имало 27 години и како што објаснило потоа, избегало од базенот водејќи се од својот инстинкт. Девојката била 22-годишна. Таа, според пишувањата, иако доживеала трауматична ситуација, не пуштила ниту солза.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.