Ова е нивната втора младост: Ветераните кои се уште „газат“ во најсилните фудбалски лиги (Видео)

Златан Ибрахимовиќ, Џанлуиџи Буфон, Франческо Тоти се меѓу најпознатите ветерани кои успешно играат во најсилните фудбалски лиги, но тие не се единствените кои се длабоко четвртата деценија, а се уште играат на високо ниво. Овие фудбалери иако се на залезот на кариерата, не покажуваат знаци на стареење на теренот и се главни во своите клубови.

1. Ариц Адуриз (Атлетико Билбао)

Баскиецот во февруари ќе го прослави својот 36 роденден, а сеуште е прв напаѓач во тимот на Билбао. Тој е прв стрелец на тимот со пет голови во Примера, а запиша и една асистенција. Во неговите настапи за баскискиот клуб веќе два пати беше прогасен за играч на натпреварот.

2. Дирк Кајт (Фенорд)

Холанѓанецот има полни 36 години, но е еден од најдобрите играчи на препородениот Фенорд кој е на врвот на табелата во Холандија. Иако игра нешто подефанзивно за разлика од неговите улоги во тимовите во кои настапуваше во минатото, Кајт минатата сезона постигна 19 гола, а оваа по само десетина кола има постигнато четири.

3.Жоакин (Бетис)

Откако тој се врати во својот матичен клуб и на 35 години е најдобар дриблер во тимот. Најдобар е во уште една категорија, клучни додавања. Освен тоа што игра атрактивно, досега има постигнато 3 гола за Бетис.

4.Александар Маер (Ајнтрахт Франкфурт)

Германскиот џин кој веќе со години го води Франкфурт и не покажува знаци на стареење. Има 33 години и се чини дека е неуништив цели 12 сезони во дресот на Ајнтрахт. Половина од минатата сезона беше повреден и кога многумина помислија дека туке е неговиот крај, тој се врати посилен од било кога. Оваа сезона до сега има забележано три гола и една асистенција.

5.Џермејн Дефо (Сандерленд)

Одличниот напаѓач со своите 34 години е една од ретките светли точки во Сандерленд. Целата екипа на 9 меча од почетокот на сезоната има постигнато 6 гола, од кои 4 се дело на Дефо. Тој е најдобар во својот тим и во категоријата прецизни додавања со 82 посто.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.