Видео кое ќе ви ги отвори очите: Еве како далтонистот го гледа светот

Дали сите го гледаат светот исто како мене? Дали мојата црвена боја е иста како и твојата црвена? Колку пати себеси сте си го поставиле ова прашање?
Дури осум отсто од мажите и пет отсто од жените од северноевропско потекло не ја разликуваат црвената од зелената боја. Многумина од нив дури не се ни свесни за тоа.

Тимот јутјубери кои стојат зад каналот “Mind Warehouse” снимиле видео кое само за пет дена го погледнале повеќе од 10 милиони луѓе, а кое ве води низ светот на далтонистите: на оние на кои проблем им создаваат само црвената и зелената боја, но и оние кои светот го гледаат како црно – бел.

Популарноста на снимката е најдобар доказ за тоа колку луѓето ги интересира како изгледа реалноста од аголот на некој кој не гледа како обична личност.

Авторите на краткиот филм нè водат низ процесот на тестирање, дијагностицирање и самото доживување на далтонистите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.