Кливленд и Сан Антонио перфектни во новата сезона (видео)

Сан Антонио ја забележа и третата победа во низа од стартот на сезонава, триумфирајќи со 98-79 над Њу Орлеанс. Клучната работа беше завршена во одбраната над Антонио Дејвис, кој беше задржан на скромни 18 поени, додека во нападот најефикасни кај спарси беа Леонард со 20 и Милс со 18 поени. До овој триумф се стигна без ветераните Паркер и Џинобили, кои добија поштеда од страна на тренерот Грег Попович.

Својата серија добри игри ја продолжи и Кливленд, славејќи над Орландо со 105-99. Гостите постигнаа 37 поени во последната четвртина, но не успеаја целосно да се вратат во натпреварот и да го изненадат шампионот. Леброн Џејмс беше во главна улога со 23 поени и 9 асистенции, додека Кајри Ирвинг постигна 20 поени за првакот, кој има скор 3-0 од стартот на сезонава.

Екипата на Њујорк Никс стигна до првата победа во новата сезона. Во „Медисон Сквер Гарден“ поразен беше Мемфис со 111-104, а најзаслужни за оваа победа на Никси се Литванецот Порзингиз и Кармело Ентони кои постигнаа 21, односно 20 поени. Кај Мемфис се истакна шпанскиот репрезентативец Марк Гасол со 20 поени.

НБА резултати:

Резултати НБА:

Њујорк – Мемфис 111-104, Филаделфија – Атланта 72-104, Шарлот – Бостон 98-104, Кливленд – Орландо 105-99, Сан Антонио – Њу Орлеанс 98-79, Денвер – Портланд 113-115 (по прод.), Чикаго – Индијана 118-101, Милвоки – Бруклин 110-108, Сакраменто – Минесота 106-103.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.