Обединетата македонска дијаспора (ОМД) апелира македонските државјани надвор од земјава да се регистрираат за гласање на претстојните предвремени парламентарни избори на 11 декември.
ОМД потсетува дека рокот за регистрирање е до 11 ноември.
– Иако нема македонско дипломатско-конзуларно претставништо во вашата околина, можете да се регистрирате за да се регистрира интересот на дијаспората за претстојните парламентарни избори во Македонија. Од голема важност за македонската дијаспора надвор од Македонија е да се регистрира за изборите за да се овозможи континуирано гласање во иднина. Доколку не го постигнеме бројот од минимум 6.500 регистрирани гласачи, на дијаспората ќе и биде одземено правото на глас, наведува ОМД во повикот и посочува на електронската апликација https://dijaspora.sec.mk .
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
